المدير العام
Admin
عدد المساهمات : 432
نقاط : 1030
 | | موضوع: إمتحانات الثانوية العامة 2010 السبت مايو 22, 2010 1:16 pm | |
|
بما
أني مواطن شريف,
ونظيف
وظريف وخفيف, وعادل وخيري حبيت أساعد البلد إزاي يا أبو حبيبة إزاي يا أبو الأفكار
اه لقيتها... انا أساعد الطلبة الغلابة بتوع الثانوية العامة وأعمل لهم إمتحان علي
طريقة يجعلة عامر بس في اللغة العربية بما أني بحبها قوي نيجي بقي
للأمتحان
vvvvv
vvvv
vvv
vv
v
إمتحان
الثانويه العامه .. اللغة العربيه
لدولة .. خرابة
ستان
ــــــــــــــــــــــــ
السؤال
الأول: التعبير
اكتب
ما لايقل عن 650 سطر فى أحد الموضوعات التالية:
* لم
يجد الطفل غير الشارع ملجأ نظراً لحالة البلد الهباب .. فاتجه إلى السرقة والقتل
والحشيش.. حتى نال جزاءه وقبض عليه متلبساً بباكتة بانج و.. اكتب قصته مع تسليم
الحِرز للباشا مراقب اللجنة
*
شهدت
بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500
جنيه للطن.. اكتب ما يمليه عليك ضميرك على أن يبدأ موضوعك بعبارة أنا ' باشتغل فى
حديد عز'
* بعد
انتشار ظاهرة أكل لحم الكلاب والحمير..من وجهة نظرك (يام أخذة اعتبر نفسك الحمار)
تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــ
السؤال
الثانى: القصة
من
قصة ' وعهد الله ما انت داخل الانتخابات' .. اقرأ
القطعة وأجب عن الآتى:
'ثم
أتى إليه وضربه بالجزمة وقال: انت عايز تترشح فى الانتخابات يامعفن يا أبن ...؟ دا
أنت عايز معجزة..مش كفاية بتاكلوا لحمة حمير وبتشربوا مية مجاري وبتلبسوا هدوم من
الصين.. عايزين إيه تانى؟ '
من
خلال خيالك المريض عرف ما هى اللحمة؟ أو على الأقل حدد أقرب معنى لها
مرادف
معجزة فى اللغة ( تغيير وزارى – زيادة المرتبات – رغيف العيش) اختر يا مفقوع
المراراة يا قليل البخت.
لماذ
ضربه الرجل بالجزمة وليس بالعصى مثلا؟ (أهو كسل .. لسة هيرفع العصاية؟ - علشان
العصاية هترفع من قيمته وهو عايز يذل أهله واحنا فى عصر الديمقراطية
– عشان العصاية شغالة بس مش فى الضرب) افهم انت بقى اختر.
حلل
بمزيد من التفصيل جملة 'ضربه بالجزمة' ومدى توافقها مع جملة 'مصر بتتقدم
بينا' وجملة " من إجلك أنت"
ــــــــــــــــــــــــــــــــــــــــــــــــــــ
السؤال
الثالث القراءة
من
موضوع ( الزعيم..والفنان.. والقدوة) اقرأ القطعة وأجب
'وقد
نفى الزعيم عادل إمام الإشاعات التى أكدت أنه مرشح لوزارة الثقافة.. وأكد
أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات
الحكومة'
فى
رأيك هل يصلح عادل إمام لوزارة الثقافة أم لوزارة الصناعة باعتبار أن أفلامه كلها
تهتم بالثقافة على حساب الصناعة
ذكرنا
فى الدرس أن عادل إمام سيتقاضى فى فيلمه القادم 12 مليون جنيه .. فى رأيك ياعم
المحروم يلي شغال دكتور في الجامعة وشرابك مقطوع ونعل جزمتك مخروم وبتركب الأتوبيس
العام تفتكر تليفون عادل إمام المحمول خط ولا كارت
من
خلال معرفتك للفنان القدوة وتاريخه الثقافي الحافل .. أجب على أن تضع إيدك على
المصحف وانت بتحلف للمراقب بتاع اللجنة .. وقول
والله العظيم عادل إمام فنان قدوة ومحترم ومثقف 12 مليون مرة والعين صبتني ورب
العرش نجاني
ـــــــــــــــــــــــــــــــــــــــــــــــــــــــ
السؤال
الرابع النصوص
أجب
عن أحد النصين الآتيين:
من
نص ( ماشربتش من نيلها)..اقرأ ثم أجب
'ماشربتش
من نيلها.. جربت تغنى لها.. جربت فى عز ماتحزن تمشى ف شوارعها وتشكى
لها'
بعد
رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما
المقصود بنيلها فى النص؟ أختر من بين الأقواص ( المسيسبى - الأمازون
– يونج يانج)
هذا
النص من نصوص الحزب الوطنى والدليل وجود اسم مهم من قيادات الحزب فى النص.استخرج
الاسم...وبوسه من بُقـُّه ورجَّعُه مكانه
أكمل
الأبيات إلى آخر كحكة فى الكليب
قوبل
النص بانتقادات بسبب بعده عن الواقع..وضح من النص ما يتفق مع القول المأثور 'اطبخى
ياجارية .. الأنبوبة فاضية يا سيدي'
ــــــــــــــــــــــــــــــــــــــــــــــــــــ
السؤال
الخامس النحو
أعرب
ما تحته خط.. لو مالقيتش القطعة أصلا ..اتصرف
ذهب
الرئيس إلى المؤتمر .. ضع الجملة السابقة فى صيغة المثنى.. ماعدا الرئيس
طبعا
كان
ممدوح إسماعيل قاتلا .. ضع إن بدل كان.. على ألا تنصب ممدوح .. عشان
هوه بينصب لوحده
فُرِضت
الضرائب علينا ببشاعة ..أعرب الجملة .. وارفع
الضرائب أبوس إيدك
ــــــــــــــــــــــــــــــــــــــــــــــ
السؤال
السادس الخط
كوز
المحبة انخرم .. طرطش على كمى .. ياحبيبى بطل جفا وارحم عذاب امى
اكتب
الجملة السابقة ثلاث مرات بثلاث خطوط .. موبينيل وفودافون واتصالات .. كما يمكن
التحويل من خط لخط بنفس الرقم .. فقط اتصل بخدمة العملاء
---------------------------------------------------
ملحوظة
علي فكرة بقي دة إمتحان في مستوي المواطن المطحون يعني كلة من المقرر ومن كتاب
الوزراة
| |
|
amr25
مشرف
عدد المساهمات : 716
نقاط : 1184
| | موضوع: رد: إمتحانات الثانوية العامة 2010 الأحد مايو 23, 2010 4:23 pm | |
| والله امتحان دمه خفيف جدا بس اللي يركز في الكلام يحزن جدا جدا للواقع اللي بنعيشه دلوقتي . | |
|
جندي الاسلام
عضو متميز الحضور
عدد المساهمات : 88
نقاط : 128
| | موضوع: رد: إمتحانات الثانوية العامة 2010 السبت مايو 29, 2010 1:15 pm | |
| هههههههههههههههههههه امتحان جميل ياريت يجيلي وانا اجوبه وبعدين زعلنين له ده الامتحان ده في متناول الجميع حتي المواطن الجاهل ممكن يجوبو | |
|
