العضو الاول " المدير العام" على كرسى الاعتراف والاسئلة الموجهه اليه من باقى الاعضاء

انا بقي شايف الجماعه سلخينك بالأسئله فأنا هغير بقي وعندي شويه اسئله كده

1- انت اهلاوي ولا زملكاوي ؟ ومين اللاعب اللي بلفت نظرك محليا وعالميا ؟
2- ايه رأيك في النادي الأهلي حاليا ؟
3- ياجماعة اللي متعرفهوش اني المدير العام مديرفني جامد جدا لانه صعد بفريق من المرحله الإعداديه الي نهائي الدوره المقامه في بلدنا .
4- مين احسن لاعب في فريقك اللي صعدت بيه اللي النهائي ؟
5- وفي النهايه سؤال خارج عن الرياضه

- ايه اهم صفه بتحبها في شخصيتك وايه الصفه اللي مش بتحبها في شخصيتك .
- مين من المدرسين اللي كان له تأثير في حياتك وغيرها بنسبه كبيره .


وبجد انا اسف للإطاله بس دي اسئله جتلي فجأه وحبيت اكتبها علشا المدير العام يجاوب عليها .

TRUE SENSE كتب:

اولا انا سعيد جدا ان يكون اول مشاركه اني اسأل حضرتك سؤال وبجد فكرة الملتقي فكرة رائعه جدا
والسؤال بتاعي هو : هل زواجك سوف يكون تقليدينا ام عن حب ؟

والله انا كمان سعيد بحضرتك جدا
وجزاكم الله خيرا على ذوق حضرتك

بالنسبة للسؤال

والله الموضوع ده أتنا فكرت فيه كتيييير جدا

الشباب الملتزم ممكن يكون عنده مشكلة الحب دى وبتكون صعبة عليه شوية

ولكن أنا لما فكرت

والله وبصدق ما وجدت أفضل مما أحله الشرع فى هذا الموضوع

بمعنى

إن شاء الله عندما أنوى الخطوبة

سأبحث عن مواصفاتى المطلوبة

ثم أتقدم بالرؤية والجلوس معها فى وجود محرم قبل الخطوبة

فإن وجدت قبولا من تجاهى وتجاهها (حبا أقصد)

إن شاء الله ستكون الخطوبة

وهى فترة أحلها الشرع لتعارف الخطيب على مخطوبته

هكذ الزواج من وجهة نظرى أظن أنه وجد الحب

ولكن بالضوابط الشرعية

ومرة اخرى انا سعيد بوجودك معنا فى الملتقى

amr25 كتب:

انا بقي شايف الجماعه سلخينك بالأسئله فأنا هغير بقي وعندي شويه اسئله كده

1- انت اهلاوي ولا زملكاوي ؟ ومين اللاعب اللي بلفت نظرك محليا وعالميا ؟
2- ايه رأيك في النادي الأهلي حاليا ؟
3- ياجماعة اللي متعرفهوش اني المدير العام مديرفني جامد جدا لانه صعد بفريق من المرحله الإعداديه الي نهائي الدوره المقامه في بلدنا .
4- مين احسن لاعب في فريقك اللي صعدت بيه اللي النهائي ؟
5- وفي النهايه سؤال خارج عن الرياضه

- ايه اهم صفه بتحبها في شخصيتك وايه الصفه اللي مش بتحبها في شخصيتك .
- مين من المدرسين اللي كان له تأثير في حياتك وغيرها بنسبه كبيره .


وبجد انا اسف للإطاله بس دي اسئله جتلي فجأه وحبيت اكتبها علشا المدير العام يجاوب عليها .

والله بجد ياعمور هما سالخنى أه بس أنا سعيد جدا وأنا بجاوب على الأسئلة

وبجد والله أسألتك دى من افضل الأسئلة اللى أتوجهت لى لاحد الأن

وخذ الإجابة ياحبيبى

1 _ طبعا انا أهلاوى ابا عن جد وعم وخال وكل العائلة من عدا ثلاثة هما زملكوية

طبعا اللاعب بجد اللى لفت نظرى ونظر أى حد فى العالم مش محتاجة النجم

اللى بحبه (أبو تريكة )
2 _ بجد النادى الاهلى نادى قوى جدا بس اى نادى بتعدى عليه فترة إعداد ممكن يكون مش بالصورة اللى جمهورة مستنيه فيها ولكن أنا متوقع أن النادى الأهلى برده هيظل الأهلى وهيرجع الفترة القادمة بقوة

3_ 4 _هههههه بجد سؤال ظريف جدا بس لو حد من الفريق دخل وشاف الموضوع ممكن يزعل أن أنا مش قولت عليه هو لأن ذى ما أنت عارف الفريق كله تمام
وخصوصا أن فى ناس من الفريق مسجلة على الملتقى
بس برده الحق يتقال النجم السيد صابر بصراحة من وجهة نظرى أفضل الناس ويستحق أفضل لاعب فى الدورة

5 _
___ بصراحة أنا بحب صفة الإجتماعية وأفضل حاجة إن يكون الإنسان إجتماعى
___ بصراحة برده أنا مش بحب صفة الزعل عندى على فكرة أنا بزعل بسرعة جدا
ـــ أما بقى المدرسين اللى كان لهم تأثير فى حياتى
بجد والله رحمه الله أستاذى بهاء نصر أنت تعرف بجد موقف مش بحب احكية
بس والله أنت دلوقتى هتخلينى اقوله كنت أنا واصحابى بنزور أستاذنا رحمه الله بهاء
قبل شهادته فى سبيل الله بأسابيع على ما أذكر ثلاث أسابيع وأنا كان عندى مشكلة كبيرة جدا
المهم وانا جالس وضعت رأسى بين قدمى ودمعت عيناى فما وجدته الا مقبلا رأسى ماسحا دموعى (بجد كانت كلامته نظراته لها تأثير كبير جدا فى حياتى)

لو حبيت تقول كلمة " لا " هتقولها لمين ؟ ولية؟

حبيبي المدير العام
رغم اني بحب اقولك باسمك اللي الكل عارفه
انا اسف مش بحب اقولك المدير العام
حبيبي حامد
انا بحبك جدا جدا جدا
وبصدق والله انا سعيد جدا لما قرات ما كتبته عني
ويارب يكون هذا الحب بيننا سبب في دخولنا الجنه
اللهم اميييييييييييييييييييييييييييييييييييييين
وجزاك الله خيرا ياحبيبي وان شاء الله هاجي ازورك الاربعاء في مدينة نصر
بس بعد الشغل
لانك بجد واحشني جدا

حبيبي في الله
هل مره اتخذت قرار وندمت عليه
وياتري لو اه إيه هو القرار ده

bosy cat كتب:

لو حبيت تقول كلمة " لا " هتقولها لمين ؟ ولية؟

بجد انا قولتها قبل كدة وبحب اقولها لأى ظلم ولأى ظالم
أقول ليه (لا ياظالم للحق رجال وللعدل أهل وهم أتون لك فى الطريق)

ahmed hamed كتب:

حبيبي في الله
هل مره اتخذت قرار وندمت عليه
وياتري لو اه إيه هو القرار ده

أه طبعا قرارات كتييييييييير إتخذتها وندمت عليها

يعنى مثلا
كنت تعبا تعب جامد لدرجة إنى عملت عمليه وإتخذت قرار إن مش حد خالص يعرف بتعبى ده

بس للأسف كان قرار خاطئ وندمت عليه بعد كدة

شاعر الاسلام كتب:

حبيبي المدير العام
رغم اني بحب اقولك باسمك اللي الكل عارفه
انا اسف مش بحب اقولك المدير العام
حبيبي حامد
انا بحبك جدا جدا جدا
وبصدق والله انا سعيد جدا لما قرات ما كتبته عني
ويارب يكون هذا الحب بيننا سبب في دخولنا الجنه
اللهم اميييييييييييييييييييييييييييييييييييييين
وجزاك الله خيرا ياحبيبي وان شاء الله هاجي ازورك الاربعاء في مدينة نصر
بس بعد الشغل
لانك بجد واحشني جدا

أحبك الله الذى أحببتنى فيه

وانا والله بصدق اخى الحبيب احبك فى الله حبا لو علمت مداه ما فارقتنى مدى الحياه

لما بتخرج مع اصحابك بتحب تتكلم معاهم فى اية؟

عاشق المصطفى كتب:

لما بتخرج مع اصحابك بتحب تتكلم معاهم فى اية؟

والله أنا بحب اخرج مع صحابى على طول وأى كلام معاهم بيبقى ذى العسل

بس افضل شئ بحب أكلم فيه هو الذاى نعمل مشروع جديد مفيد لشباب البلد

بجد يمكن دايما انا وأصحابى بنتكلم فى الموضوع ده كتيير وبنبتكر مواضيع كتيييير

TRUE SENSE كتب:

ايه رأي حضرتك في شباب اليوم ؟ واللي هما فيه ده عيب مين ؟
انت مين ؟ اكلم عن شخصيتك في اقل عدد من السطور

أولا راى فى الشباب أنت جاوبت عليه لما قولت واللى فيهم ده عيب مين ؟ بس أنا معاك ومش معاك فى نفس الوقت
لأنى أعرف شباب كتيييييير بسم الله ماشاء الله ملتزم متفوق مؤدب ومحترم كمان
وطبعا الأكثر ذى ما انت لمحت أنهم فيهم عيب
والعيب اللى فيهم ده طبعا أول شئ منهم انفسهم معلش ياجماعة ركزوا معايا فى الكلمتين دول
( أه ) منهم أنفسهم أولا تعرف ليه لأن الله سبحانه وتعالى مش بيترك حد الا وبيبعت ليه رسالة فلو كل واحد قرأ الرسالة صح أكيد هيعود عليه بالنفع ........
لى تكملة اخرى فى موضوع بعنوان ( شباب بلدى الصنافين إلى أين )

أما بالنسبة إلى انت مين ؟ اكلم عن شخصيتك في اقل عدد من السطور
أنا شاب عادى جدا من الصنافين وبحب بلدى أوى أوى
ونفسى تكون احسن بلد

amr25 كتب:

ايه اغرب شخصيه قبلتها في حياتك ؟ وليه قولت عليها اغرب شخصيه ؟

مين الشخص اللي تحب تقوله دلوقتي وحشتني ؟

بالنسبة لأغرب شخصية قابلتها فى حياتى وليه قولت عليها أغرب شخصية ؟
أنا هجاوب من منطلق الحديث اللى بقول فيما معنا (بدأ الإسلام غريبا وسيعود غريبا فطوبى للغرباء)
والشخصية دى بجد غريبة شخصية المهندس حمزة ده واحد صاحبى معايا فى الشغل من الصعيد من ديروط
بجد هو ظل فى الشغل معى أكثر من 6 شهور وكان بيبات فى الغرفة معايا سريره بجوار سريرى
انا يمكن مش كلمت اى حد عنه قبل كدة او عن أفعالة ذى ما بتكلم عليها دلوقتى

فى هذه الفترة ( 6 شهور ) كان دائما لسانه ذاكرا لله بطريقة غريبة لا يفطر لسانه ابدا عن الذكر كان كل ليلة ننام وهو ينام حتى إذا أخذنا النوم قام فصلى وهذا الكلام كل ليلة
بحكم العمل نصلى جماعة فى المكتب أما هو فلا لابد أن ينزل يصلى فى المسجد مهما كانت ظروف العمل
عنده فراسة شديدة ماقال شيئا إلا وكان (سبحان الله)
أما الشخص اللى احب أقوله دلوقتى أنت وحشتنى

فهو العضو المسلم ربنا ييرجعه لنا من الجيش بالسلامة

ماشي ياحبيبي ربنا يرجعه ليك بالسلامه من الجيش
اللهم امين بس ابقي هاتوا لما ييجي وتعالوا زروني
لانه بجد مطنشني خالص

ايه اكتر اكله بتحب تكلها لما تنزل البلد اجازه؟

عاشق المصطفى كتب:

ايه اكتر اكله بتحب تكلها لما تنزل البلد اجازه؟

والله والدتى بتحبنى جدا وبتعملى شربة خضار الله عليها سعات اختى بتعملها بس مش بتبقى ذى أمى

اه يا بختك يا عم

ايه القرار اللى اتخذته فى حياتك وندمت عليه ؟ لثاني مرة اكرر السؤال ارجوا الاجابه
لو طلب منك انك تحزف حرفين في اللغه العربيه ايهم سوف تحزف ؟ ولماذا ؟

جزاك الله خيرا

أنا هسافر الجمعه مش هتيجي علشان تزرني
وبالنسبه لسؤالي
هفكر فيه هبقي اسأله ليك بعدين لأن مفيش حاجه جاهزه ناو

Dmooelaqsa كتب:

جزاك الله خيرا

أنا هسافر الجمعه مش هتيجي علشان تزرني
وبالنسبه لسؤالي
هفكر فيه هبقي اسأله ليك بعدين لأن مفيش حاجه جاهزه ناو

تسافر حبيبى وترجع لينا بالسلامة
طبعا لازم اجيلك حبيبى على معادنا إن شاء الله وعلى تليفون لما اوصل البلد
أسال فى اى وقت حبيبى وبعدين أنت عارف كل شئ عنى

ابو تريكة كتب:

سؤالى بقول ايييييييه الرياضة اللى أنت بتحبها واللى أنت متميز فيها غير كرة القدم ؟

والله ياعم ابو تريكة انا بحب الشطرنج جدا والحمد لله الناس بتقول على أنى حريف فيه
يمكن تكون دى الرياضة التانية بعد كرة القدم
وانا بعتبرها رياضة عقلية

اية الكلمة اللى ممكن تخليك محرج ومكسوف لو بنت قالتهلك؟

bosy cat كتب:

اية الكلمة اللى ممكن تخليك محرج ومكسوف لو بنت قالتهلك ؟

والله مرة بنت أختى كنت شايلها على كتفى هى بتحبنى جدا المهم عمى قالها تعالى راحت ليه على طول وقالت لى باى باى فالكلمة دى أحرجتنى جدا

بنشكرك جدا وانت كنت صريح معنا والاعضاء التزمو بالقوانين وياجماعة دة اخر يوم للمدير العام على كرسى الاعتراف وبكرة يوم جديد وعضو جديد

bosy cat كتب:

بنشكرك جدا وانت كنت صريح معنا والاعضاء التزمو بالقوانين وياجماعة دة اخر يوم للمدير العام على كرسى الاعتراف وبكرة يوم جديد وعضو جديد

الشكر لله اتمنى ان أكون جاوبت على كل الأسئلة بصراحة

اكيد انت كنت عند حسن ظن الجميع

لو حد عنده أخبار عن ابو يمني يا ريت تعرفوني علشان أنا مش عارف اوصله و شكرا ليكوا

اجابات جميله من المدير