العضو الثالث "ابو نجلا" على كرسى الاعتراف والاسئلة الموجهة من باقى الاعضاء

هل ندمت على فترة شغلك فى الصنافين؟

ابونجلا
ممكن تعرفنا على حضرتك عن قرب

سؤال كمان
بما انك سافرت وعشت السفر واحوالو
عاوز منك نصيحه ليا ولكل محبى السفر ومغرم بيه

بسم الله الرحمن الرحيم
و الله جلوسي علي كرسي الاعتراف مفجأة
لكن انا تحت أمركم

بالنسبة لسؤال بوسي
الحمد لله لم أندم علي عملي في الصنافين نهائيا و الله الصنافين دي احلي بلد في الدنيا كفايه ان فيها شباب زيكوا

ممكن يا حبيبي اعرفك اللي انت عاوزه كله بس اسأل و أنا أجاوب بكل صراحه

ahmed hamed كتب:

سؤال كمان
بما انك سافرت وعشت السفر واحوالو
عاوز منك نصيحه ليا ولكل محبى السفر ومغرم بيه

و الله السفر ده فيه فوائد كثير جدا لكن حسب المكان اللي هتروحوا و الناس اللي هتتعامل معاها و حسب ظروفك العائليه بمعني ادق فيه اماكن تحب تعيش فيها و تشتغل فيها و أماكن لا بالنسبه لي شخصيا انا كنت مرتاح في مصر اكثر نفسيا لكن المجهود هنا أقل طبعا من مصر بكثيير

السلام عليكم يا أبو نجلا
من خلال هذا الملتقي هل أحسست با الغربه ومن هم أهم الشخصيات التي تحب أن تتكلم معاها بإستمران من القريه

المسلم كتب:

كل عام وانت بخير


خلاص رمضان على وصول , حسنات على طول , سيئات بتزول , ومسحرات بيقول
كلوا زبادى وفول , واوعى تفطر , أكيد صيامك إن شاء الله مقبول لا تنسانى من صالح
دعاءكم.........





هل استعددت لرمضان ؟


ايه هو احساسك وانت بعيد عن اللى بتحبهم ويحبوك وخاصة انك قريب من
شهر رمضان وما به من أجمل الذكريات ...... الخ


ايه هو هدفك من السفر للخارج ؟


متى ستعود إن شاء الله ؟

بسم الله
ربنا يوصلنا رمضان و يعنا علي صيامه و قيامه و يتقبل منا جميعا
الغربه غربه في رمضان و في غير رمضان بعدك عن احبابك و ذكرياتك احساس صعب
بالنسبه للسؤال الثاني
هدفي من السفرللخارج تمثل في ثلاث اشياء
1- الحج و الحمد لله حققته
2- احجج زوجتي و ربنا يكتب لنا هذا العام
3- التجربه و الاستفاده الماديه
و بالنسبه للسؤال الثالث
العودة بمشيئة الله تعالي في علم الغيب لكن انا مخطط اني مش هسافر تاني يعني اخلص التزماتي و أجي علي طول ممكن خلال عام

meteeb كتب:

السلام عليكم يا أبو نجلا
من خلال هذا الملتقي هل أحسست با الغربه ومن هم أهم الشخصيات التي تحب أن تتكلم معاها بإستمران من القريه

و عليكم السلام يا متعب
و الله من خلال الملتقي انا حسيت اني موجود معاكم في البلد
و احب ان اتكلم مع الناس كلها لأني بحب كل الناس

اية الحاجة اللى ممكن تخليك تتعصب ؟

صدقتنى بقى ان فى ناس كتير مهتمية باخبارك وبيك شخصيا

سؤالى انا بقى
لية بتحب تشجع الاستاذ محمد ابوسيف ومبتشجعشى خالى؟؟؟؟؟؟؟؟
ههههههههههههههههههههههههههههه

bosy cat كتب:

اية الحاجة اللى ممكن تخليك تتعصب ؟

الحجات اللي ممكن تخليني أتعصب ممكن أختصرها في ثلاث نقاط
1- أن حد يكذب
2- الفوضي و عدم النظام
3- ان حد يصحيني من النوم ساعة القيلوله

bosy cat كتب:

صدقتنى بقى ان فى ناس كتير مهتمية باخبارك وبيك شخصيا

جزاكي الله خيرا و جزي كل من يسأل عني خيرا
و الله يعلم الله كم انا احبكم في الله و امشتاق لتراب الصنافين مش الناس بس

عاشق المصطفى كتب:

سؤالى انا بقى
لية بتحب تشجع الاستاذ محمد ابوسيف ومبتشجعشى خالى؟؟؟؟؟؟؟؟
ههههههههههههههههههههههههههههه

عاوز الصراحه ولا عاوز تعك
علشان ابوك بيلعب مع خالك
هههههههههههههههههههههههههههههههههههههه
ا انت عمرك سمعت عن مدير فني فرقه بيشجع الفرقه التانيه
انا راعي فريق محمد ابو سيف
و بعدين خالك ايمن بياخد كل اللعيبه اللي ابو سيف بيكتشفها مثلا العضو المسلم اكتشاف ابو سيف و عزت درباله و غيرهم كتيير مش عوزين نفتح لبعض
و أخير انت عاوزني اشجع فرقه انت بتشجعها و لا ايه
هههههههههههههههههههههههههههههههههههه

ردودك جميله يابو نجلا
ممكن اعرف إيه احلامك إلي لسا محقتهاش

ahmed hamed كتب:

ردودك جميله يابو نجلا
ممكن اعرف إيه احلامك إلي لسا محقتهاش

بدايه الكلام عن الأحلام و أنا في سنك تقريبا او اصغر شويه كانت عندي أحلام كتيير جدا لدرجه اني شبهت طموحي بالجواد الجامح
لكن لما كبرت شويه قله الأحلام مش عارف ليه و بدأت تنحصر في حاجات صغيره
باقي احلامي اللي لسه ما حققتهاش ان بناتي يحفظو القرآن الكريم كله و اشتري سياره دول تقريبا الحلميين اللي فاضليين بس
و عندي حلم كمان اني اقعد زي الأول مع صديقي ابو يمني علي باب المول
ههههههههههههههههههه

عذرا نسيت اشكرك علي مجاملتك لي بالتعليق علي الردود
و اتمني ان اكون ضيف خيفي علي الأعضاء و ميملوش من هذا الأسبوع

بس انا الحمد لله مش بشجع خالى

ابو نجلا
إيه الصوره إلي تحب تكون عليها مصرنا عامه وبلدنا الصنافين خاصه

amr25 كتب:

سؤالي لأبونجلا :
- ايه هي معني الصداقه بالنسبه ليك ؟ وهل فعلا وجد الصديق المخلص في حياتك ؟
- ايه هي من وجهة نظرك نقطة الضعف اللي في شخصيتك ؟
- مين الشخصيه اللي قبلتها ومش ممكن تنساها ؟

الصداقه بالنسبة لي تعني الحياه بالاختصار
و الصديق المخلص في حياتي موجود و كثيريين
نقط الضعف اللي في شخصيتي كثير منها علي سبيل المثال لا الحصر الخجل في التعامل في العمل
كثيير جدا و من الرجال و الشباب و النساء و البنات زميلي و زميلات و طلبه و طالبات كانوا عندي لكن اقدر احصرها في شخصيه واحده صعبه جدا

ابو تريكة كتب:

ياترى ايه هو اللى عجبك فى السعودية ومش لقيته فى مصر
وبرده ياترى ايه اللى عجبك فى مصر ومش موجود فى السعودية ؟

سؤال صعب قوي لأني ما عجبنيش حاجه في السعودية غير اهتمام الدوله بالحرميين فقط
و كل حاجه في مصر عجباني و ده رأيي الشخصي يعني عندك الحياه فيها روح و حركه و اجتماعيات

عاشق المصطفى كتب:

بس انا الحمد لله مش بشجع خالى

طيب بتشجع ابو سيف خلاص نقي حبايب

ahmed hamed كتب:

ابو نجلا
إيه الصوره إلي تحب تكون عليها مصرنا عامه وبلدنا الصنافين خاصه

اسألت محتاجه تفكيير طويل قوي يا ابو حميد انت و عمرو 25
لكني عاوزها تبقي جنه عاوزها تبقي ام الدنيا من جديد عاوزها تبقي قبلة العلماء و الدارسين عاوز حاجات كتيير جدا
و للصنافيين عاوز نرجع طبايع و عوايد و اخلاق اولاد القريه الحقيقيين و عاوز الشباب ينشط اكثر من ذلك

المدير العام كتب:

السلام عليكم أخى الحبيب لو تسمح لى فى طرح سؤال
بصدق ايه رأيك فى شباب الصحوة الإسلامية ومن وجهة نظرك ايه هى الأخطاء اللى بيقعوا فيها ؟

و عليكم السلام أخي الحبيب
و الله سؤالك صعب عليا جدا لأني لم أصل بعد في المكانه و الثقافه و العلم كي اقييم هذا الموضوع ده السؤال اللي المفروض كنت تحتفظ به لتسأله لأستذتي الكبار أمثال والد العضو عاشق المصطفي و العضو الجميل ابو يمني لكن ماذا أكون لأجاوب علي هذا .
لكن ممكن ألفت نظر حضرتك لموضوع ممكن يخدم سؤالك كان نشره الأخ العضو دموع الأقصي علي ما اتذكر بعنوان غرور المتعبدين
و اعذرني لعدم الإجابه

لو طلبوا منك الغاء حرفين من الغه العربيه هتلغي اي حرفين ؟ ولماذا ؟
هل اتخذت قرار وندمت عليه؟

عاشقه المصطفى كتب:

لو طلبوا منك الغاء حرفين من الغه العربيه هتلغي اي حرفين ؟ ولماذا ؟
هل اتخذت قرار وندمت عليه؟

اولا كيف حالك يا عاشقة المصطفي
ثانيا لو كل عضو قعد علي كرسي الاعتراف و خليتيه يحذف حرفين مش هنتكلم بعد سنة مش هيبقي في حروف تاني
ههههههههههههههههه
لكن انا ممكن احذف حرف ( غ ) و ( ل )
لأني بحبش كلمة غل حفظنا الله و اياكم من الغل و الحقد و الحسد

و بالنسبة للسؤال الثاني
أكييد في قرارات كتيير الواحد بياخدها و يندم عليها لأنها بتكون غلط
آخرهم السفر للخارج ما حسيتش بالخطأ إلا بعد ما سافرت مش لسوء التجربه و لكن لأني تركت والدي و حيدين

اية اكتر شخصية شايفها فى عيلتك شخصية غريبة

مين اكثر الشخصيات الي بتعجبك في المنتدي ؟

bosy cat كتب:

اية اكتر شخصية شايفها فى عيلتك شخصية غريبة

ممكن تحددي سؤالك أكثر المقصود عائلتي و لا اسرتي

عاشقه المصطفى كتب:

مين اكثر الشخصيات الي بتعجبك في المنتدي ؟

و الله سؤالك صعب جدا لأن في شخصيات كتييييييييييييييييييييييييييييييييييييييييييييييييييييييييييييير جدا بتعجبني
و الله ما هي دوبلماسيه لكن في شخصيات كتيير جدا بتعجبني

طيب انت بتحب تلعب كوره ولا لاه؟

الاسرة والعائلة

أنا أكيد أعرف حضرتك بس باسمك الحقيقي
ممكن حضرتك تقوله لينا
وعاوز اعرف ايه طبيعه شغلك في السعوديه
وجزاك الله خيرا

أنا أكيد أعرف حضرتك بس باسمك الحقيقي
ممكن حضرتك تقوله لينا
وعاوز اعرف ايه طبيعه شغلك في السعوديه
وجزاك الله خيرا

ياجماعة بنشكر ابو نجلا كدة على اجابتة وبكرة مع عضو جديد

يا ابو نجلا انت لازم تجاوب على الاسئلة دى

عاشق المصطفى كتب:

طيب انت بتحب تلعب كوره ولا لاه؟

في حد في مصر بيحبش الكورة و بيحبش يلعبها طبعا بحب الكورة و بحب العبها لكن انا ما بلعبش خالص من زمان و دي كانت قصه صغيره خالص
كان ولدي قبل الامتحانات يمنعني العب خوف من اني انكسر و يضيع عليا السنه فرحت العب من وراه كنت في الإعداديه و وقعت علي ركبتي علي حجر مدفون في الملعب و خوفت اقول لأبويا خوفا من العقاب فربطها و ما قلتش و استمرت معايا توجعني اكثر من 3 سنوات و انا رابطها و الحمد لله بقت احسن بس كنت خلاص بقتش العب خالص

bosy cat كتب:

الاسرة والعائلة

و الله علي مستوي الأسرة أنا شايف ان انا اغرب شخصيه لأني تاعبهم معايا علي طول
و علي مستوي العائلة بيتهيقلي بردوا أنا

Dmooelaqsa كتب:

أنا أكيد أعرف حضرتك بس باسمك الحقيقي
ممكن حضرتك تقوله لينا
وعاوز اعرف ايه طبيعه شغلك في السعوديه
وجزاك الله خيرا

اسمي لازم ماشي
اسمي إيهاب
طبيعة شغلي في السعودية اعمل في شركة مقاولات فني شبكات كمبيوتر
آميين و جزاك

amr25 كتب:

ابونجلا ايه رأيك في شباب اليومين دول ؟ عجبك حالهم ولو مش عجبك العيب فين وفمين ؟
- انت ممكن لو غلط تقول اسف ؟ ومين اللي تحب تقوله اسف في اللحظه دي وليه ؟
- مين اكتر الشخصيات اللي شدتك في المنتدي ؟ وليه ؟
- مين الشخص اللي لو شفته دلوقتي توقف قدامه انتباه مش خوف احتراما ليه ؟
- الأماكن اللي هقولها دلوقتي بتمثلك ايه " الصنافين - مصر - السعوديه - فلسطين "
- ايه اللون المفضل ليك ؟ وليه بتفضله ؟

و الله فيه شباب بيعجبوني جدا و فيه شباب بيعجبونيش و دول منهم اللي مش مقدر ظروف اسرته و عايش لنفسه فقط
أكييد طبعا لو غلط بعتذر و ده اقل شئ الواحد يعمله و اللي أحب اقول له دلوقتي آسف والدي و والدتي علشان انا سبتهم و سافرت
10 أعضاء المميزين في المنتدي كلهم شاديني و ممكن يكون في ناس تانيه كتيير بس أنا مش متابعم كويس
كتيير جدا في اسرتي كلهم و في عائلتي كتيير جدا و في البلد بردوا كتييييييييير جدا و في أساتذتي أ / عنتر البجلوص
الصنافين كل شئ الماضي و الحاضر و المستقبل
مصر أمي
السعودية تجربة فقصيره و مفيده
فلسطين الجرح الذي لا يندمل
اللون المفضل لدي الأحمر علشان أنا أهلاوي
لكن بالنسبة للبس أحب الألوان الغامقه

عفوا أخوتي الكرام و اتمني أن اكون جاوبت كل ما تريدونه بصراحه و اني كنت ضيف خفيف علي الأعضاء
و شكرا لكم جميعا

شكرا ليك يا ابو يمنى