سؤال سهل جدا

السلام عليكم ورحمة الله وبركاته
سؤال جميل لي معه احداث كثير ومنها
موقف لي مع اعز احبابي وهو هنا معنا في الملتقي اكيد هتعرفوه واكيد هو لما يقراء هيفكتر الموقف ده
انا مش هقول ايه الموقف اللي زعلنا بسببه ولا مين اللي كان غلطان
المهم في الموضوع اننا لما زعلنا من بعض كنا احنا الاتنين مبنعرفش نضحك خلال اليومين اللي مكناش بنكلم بعض فيهم الا الكلام العادي يعني ازيك عامل ايه الحمد لله وبس
بس تعرفوا انه لما كان بينظر لعيني مكنتش بقدر افتح عنيا وكانت الابتسامه اللي دائما ما تكون بيننا عند نظر احدنا للاخر غائبه
تخيلوا اني عرفت انه لم ياكل يوم كامل علشان مكنش بنكلم بعض
وحسيت وقتها اني قاسي وجارح جدا وبالذات بعد ماكلمني واحد من عز اساتذتي وهو اقرب انسان لنا نحن الاثنين وكنا عند مسجد التوبه وكان الوقت متاخر بس لما انتهينا واتفقنا علي اني اروح ليه مقدرتش انتظر للصباح وفعلا روحت ليه واكنت مفاجئة كبيرة جدا ليه حضنا بعض وبكينا
وفضلا ننظر لبعض ونبتسم وبجد انا وقتها حسيت اني زي طير كان محبوس وفجاة جاه له من فتح الباب وحررة.
ومن اليوم ده عمرنا مزعلنا من بعض ابدنا رغم انه دايما بيحب انه يقاطعني في الكلام.هههههههههههههههههههههه
اكيد هيضحك لما يقراء الجمله دي.
بس تعرفوا انا في اليوم ده بكيت اكثر لما تركته ومشيت انا والاستاذ .......
اللي انا قولت عليه في الاول لاني عرفت ان صحبي وحبيبي عايز يسافر واحتمال انه يسافر بعد شهور
بس الحمد لله محصلش .واضح ان دعوتي استجابت0ههههههههههههههههه
متزعلش مني اصل مكنتش اقدر اتخيل انك بعيد عني
وده كان من اجمل مواقف حياتي
اللي عمري ما هنساها ابدا وفي موقف تاني معاه بس كان كله الم وحزن
اصله بيحب ينكد عليا شوية هو مكنش مزعلني بس زعلني لانه كان محبط ويائس تعرفوا رغم انه كان بيكلمني علي الاميل الا اني بكيت عندما احسست انه يبكي وسبنا بعض علي ان نقوم ونصلي قيام الليل وندعوا الله ونساله الخير0

انا عارف انتم اكيد عرفتم هو مين؟
انا اسف ياحبيبي اني حكيت الموضيع دي عنك من غير ما استاذن
بس بجد لو مجتش لي النهارده زي ما ودعتني انا هقول اسمك
اللي هو اتعرف اصلا0هههههههههههههههههههههههه

وارجوا ان اكون خفيف عليكم
وجزاكم الله خيرا
والسلام عليكم ورحمة الله وبركاته

انا مش هحكي موقف بس عايز اقول الأصحاب بجد لما يزعلوا من بعض مفروض الزعل مش يطول بجد مفروض الصحبيه تغفر له حتي ولو هو اللي غلطان بس للأسف دلوقتي بتقال عليهم اكتر من اخوات وبيقطعوا بعض مفيش حد دلوقتي بجد يعرف معني الصداقه واتحدي بجد حد يعرف يقول معني الصداقه بس يكون بيطبقها
بس بجد انا مش عايز كلام بس لان الشعب المصري كل حياته كلام وبس .

اقولك يا عمرو معني الصداقه
هي كلمة جايه من الصدق و الصدق في القول و الفعل معا
أي ان تكون صادق في كل شئ مع من تعتبرهم أصدقاء اي اصدقه القول و أن اصدق معه في الفعل ما هو شرط اني اشوف صديقي دائما و لكن الشرط انه يجدني وقت الشده و الحاجة بجانبه و ان يشعر بوجودي دائما معه أنا ليه صديق كده حقيقه

ابو نجلا العزيز مش جوبتي علي تسألي صح اني مفيش حد بجد يعرف معني الصداقه الحقيقيه في هذه الأيام

لا و الله في ناس تعرف الصداقه الحقيقية بس هما مش كتير
و علي رأي أخي الحبيب أبو يمني
اسعد الله قلوبا إن وصلناها شكرت و إن قصرنا عذرت و غفرت و إن نسيناها ذكرت و وصلت

بالنسبه للموضوع ده
انا عن نفسي مش بعرف اخاصم حد
وديما بكون عنصر اساسي والحمد لله في الصلح بينهم
سعات الواحد بيبقي مجروح اوي من صديقه ويقول لايمكن اصالحو لان هيعتبر ده ضعف او ذل منو بس والله عكس لان انتي هتعمل إلي الرسول قال عليه فا هتاخد اجر وهتكسف صحبك من انك بدأت رغم هو إلي غلطان
في حاجه ياجماعه ليا واحد صحبي مخو صغير اوي وديما يخصمني لحجات بسيطه وانا تعبت ديما بصالحه ومش بيتغير اعمل إيه اخنقو واخلص هههه

الى يزعل صديقه منه يبقى مايعرقشى قيمته او يبقى مصاحبه علشان مصلحه وهى دى الغله الى سايده فى اليومين دوول
بس بجد الحياه مش تستهال ان الواحد يزعل منه حد
حتى لو كانت انا الى غلطان اروح واكلمه لانه صحبى

شعور جميل من الباحث ما يصدر إلا من شخص قلبه طيب و مفيش حد طبعا اطيب من الباحث