موضوع منقول بس يستاهل

قمت من النوم فجأة

في عيني نور غريب وقوي جدا

أستغربت النور ده كله جي منين

واندهشت لما لقيت الساعه بتشاور على 3 صباحا

وأن مصباح الأوده مطفي

طيب النور ده كله جي منين

وانفزعت لما لقيت نص ايدي جو الحيطه

شديتها بسرعه

خرجت

وانا ببصلها بكل اندهاش

رجعتها تانى لقيتها دخلت جوه الحيطه

استغربت ايه اللى بيحصلي ده

وسمعت صوت ضحك

بصيت نحيته

لقيت اخويا نايم جمبي

ولقيته بيحلم

بيحلم انه راكب عربيه اخر موديل

وانه رايح حفلة كبيره قوي

لناس اغنيه قوي

وانه لابس اغلى واشيك لبس

عشان يكون احلى واحد في الحفلة

وكان بيضحك وفرحان

ابتسمت

بعدين اتفزعت من اللى بيحصل

وقمت من على السرير

وجريت على اودة امي وابي

قعدت اصحى

فى امي واطبطب عليها

وانديها بس هى مش بتستجيب

قعدت انديها كتير واطبطب كتير

ولقيتها فجأه قامت

كانت مخضوضه قوي

وبتبص يمين وشمال

قولتلها يا ماما انت مش شيفانى

لقيتها مش بترد

ولا بتبصلي

قعدت انادى

ماما......ماما

كانت حاطة ايدها على قلبها

وبتقول بسم الله الرحمن الرحيم

ولقيتها بطبطب على بابا وبتصحيه

وقام

قالت له قوم نطمن على الاولاد

ده وقته

قالتله معلش قلبي مش مطمن

في حاجه غريبه

وانا واقف مستغرب

قعدت اقولها يا ماما

انا اهو يا ماما

انت مش شيفانى

ياماما

قامت ومشيت

حاولت امسك هدومها لكن الهدوم مش بتتمسك

جريت وقفت قدمها عدت من جوايا

ملقتش غير انى امشي وراها

وبابا كان وريا

محاولتش ابصله

عشان ما يتجاهلنيش برده

دخلت امى الاوده وفتحت النور

مكنش عندى فرق لأن الدنيا كانت منورة اصلا

انفزعت لما لقيتنى نايم على السرير

وقعدت ابص لجسمى وايدى وانا مستغرب

انا ازاي بقيت اتنين

انا مين ومين اللى نايم على السرير ده ان مكنش انا

وقطع استغرابي

جملة بابا استريحتى يا ستى اهم نايمين اهو

لكن هي قالتله معلش انا عاوزه أطمن على محمد

ولقيتهى بتقرب مني قصدى من الشخص اللى نايم مكانى

وبتطبطب عليه كانت بتقوله يامحمد لكن هو مش بيرد وكانت

بتطبطة بشويش وبدأت تهزه جامد

جريت عليها وقلتلها يا ماما انا اهو

رودي عليا

لكن صوتها كان بيزيد خوف وكان بيعلى

كانت بتنادي

محمد.....محمد

وفجأة صرخت ولقيت الصرخة بتوجعنى قوي

كانها بتضربنى

بكيت

وقلتلها ما تصرخيش

وهى بتقول محمد

وبابا جري علي وحط ايده على وشى وصرخ وبكى

وحسيت بالوجع تانى

محمد مش بيرد والبكاء بيزيد وانا مش عارف اعمل ايه

صحي اخويا على الصوت وهو بيسال في ايه

ماما صرخت اخوك مات يا احمد مات وانا بقولها ببكائي لأ

والله

ياماما انا هو شوفيني شوفينى انت مش سمعاني

لكن ما فيش امل

بصيت للسما وقلت يارب ايه اللى بيحصل ده

لكن ما لقتش سقف

وشفت ناس ولما شوفتهم مشيوا وحسيت بطعنه غريبه

وحجات بتقطعنى بصيت لأحمد لقيته بيصرخ

قلتله اسكت انت بتعذبني

لكنه كان بيزيد فى الصراخ

وماما بتبكي فى حضن بابا

والنحيب بيزيد وقفت قدمهم عاجز

ومزهول رفعت راسي تانى وقلت يارب

ايه اللى بيحصل يارب فى ايه وسمعت صوت من كل حته

كان جي من بعيد ركزت معاه لقيته بيعلا وبيزيد كأنه قرآن

أيوا قرآن والصوت بدأ يقوى يقوى قوي هزنى من شدته كان

بيقول

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ

فَبَصَرُكَ الْيَوْمَ حَدِيدٌ

زهول الصوت

لقيت ايدين بتطبق عليا اتنين شكلهم مش من البشر بيقوليلى تعالى

م انتم مين وعاوزين منى ايه شدونى

صرخت سيبونى

ما تخدونيش من اهلى اهلى فكرنى مت قالولى ما انت مت فعلا

قلتلهم ازاي ما انا شايف اهو وبتكلم وحاسس بكل حاجه ابتسموا

وقالوا

عجيب امركم يا بشر كلكم فاكرين ان الموت نهايه الحياة

ايه يا عم أحمد الكلام الجامد ده انت كل يوم بحاجه جديده

Admin عدد المساهمات : 432 نقاط : 1030

أخى وحبيبى ما أجمل مضيعك
سواءا كنت كتبتها أو نقلتها
بصدق ووالله
لا أجدغير قول النبى محمد
جزاكم الله خيرا
تقبل مرورى
وأسمح لى بنقل هذا الموضوع فى منتديات أخرى

جزاكم الله خير الجزاء ابو نجلا والمدير العام واشهد الله انى احبكم فيه

وانقلو ياخى متستاذنش فى نقل الخير

بارك الله لكم

زائر

جزاك الله خيرا

وخيرا جزاك

يا الله بجد والله خفت جدا ايه دة ارتعبت لا حول ولا قوة الا بالله بجد والله موقع جميل بس خفت وقلبي انقبض بجد حاجة ترعب

والله ياأختي انا ذيك كل مقرأ الموضوع ده قلبي ينقبض
ربنا بس يذكرنا بيه ديما

وانا اسف علي روعك ده

مشرف عدد المساهمات : 716 نقاط : 1184

بجد يااحمد موضوعاتك كلها جميله وشكرا علي هذا الموضوع

زائر

الاخ احمد موضوعاته من احسن الموضوعات الى على المنتدى

ربنا يكرمك ياأخي بس ده تواضع منك
لان بدون مجامله مواضيعك رائعه وكمان بقيه الاعضاء ربنا يبارك فيهم

زائر

امين يا رب العالمين بس حضرتك بتختار المواضيع دائما الرائعه

ربنا يكرمك ياعمور
وواحد مفيش فرق بينا

زائر

ربنا يكرمك يا اخ احمد ويشهد الله انى احبك فى الله

احبك الذى احببتنا من اجله

» والله موضوع جامد ادخل وشوف وهتعرف إنه يستاهل ولا ايه رأيك؟!!!!!!!!!
» "" سياسة إضاءة الشموع ""
» موضوع للمناقشه
» موضوع غريب جدا ..............لو حد فهم يبقي يفهمني
» الصداقه