قصيدة الاسلاه هو الحق

الاسلام هو الحق
اتقابلت انا واصحابي بعد بعد بقاله سنين
ماهو كل واحد منا في ناحيه
من القاهرة والاسماعيله
وواحد تاني من المنوفية
الاول قال جمعتنا حضارة
من كل مكان للعلم منارة
والتاني قال دي بلدنا
في الكورة مهارة
لعب وفن وكمان شطارة
والتالت قال دي بلدنا رياسه
فيها زعيمعنا مبارك عاشا
يعني كل واحد ميه الميه
ولقيت الدور جاي عليا
قولتلهم بصوا واسمعوني
هقول كلام من كتر جنوني
هوصف ليكم بلد جميله
بلدي اسمها الصنافين
قرية لكن زيها فين
قيم ومبادئ وكمان اخلاق
عيشين فيها من غير عناء
الكل يحب لبعضه الخير
ويراعي دايما حقوق الغير
عندنا مساجد ياما كتير
مفتوحه دايما بنهار وليل
الصبح نصوم ونقوم الليل
ومفيش قهاوي وكلام فاضي
وكتاب الله بينا القاضي
والجامع دايما بالناس مليان
ماهو اصل الصلاة من الاسلام
طول السنه عندنا رمضان
والناس بتنام مرتاحه البال
وبتنسي خالص هم المال
ولا هتاكل بكرة ايه
ولو كان معاها ربع جنيه
وفي الانتخابات كنا تمام
اخترنا نائب لينا همام
يسمع لينا ويشوف مصالحنا
ويحل مشاكل ويريحنا
ويحكم بينا بالاسلام
علشان يسود حب وامان
والشباب كله شغال
مفيش بطاله ولا اهمال
واللي يخلص يلاقي مكانه
في احلي وظيفه بسرعه اوام
وعندنا نادي كبير معروف
اسال عنه مهما تطوف
والكمبويوتر ده حاجه تانيه
عندنا واحد في كل بيت
وناقص اقول كمان في الغيط
علشان نشوف امور الدنيا
ولا التعليم ولا المحمول
لو قولت عنهم الشرح يطول
وهوصف ايه واقول ايه
ده كل كلام مايكفي يابيه
وليقتهم بصوا باستعجاب
ونظرات مليانه استغراب
قولت في حد منكم مصدق؟
ردوا وقالوا طبعا لا
قولت وبصراحه عندكم حق
اصل ده كله كلام احلام
ميتحققش غير في منام
وهقول الجد ومش مكسوف
وتعالوا معايا نبص نشوف
الناس خلاص نسيوا الاخلاق
وبقي الظلام بينا وباء
اصل ده مرض ياعم كبير
يصيب الصغير قبل الكبير
وبينا قانون الغابه موجود
وبقينا ذي نمور واوسود
القوي بس اللي يعيش
اما الضعيف مكانه مفيش
اما الصلاة والصوم ده كمان
مش موجود في غير رمضان
حتي رمضان بقي قليل
ان حصل فيه نسبة تغيير
واصبحنا نصوم عن الاكل وبس
اما الاعضاء عمرها ماتحس
بقينا نصوم تقضية واجب
اصل ده شهر مسيرة يفوت
وبنعمل خير ما مانموت
وبتيجي في اخر الايام
وتلاقي الجامع فاضي تمام
اصلنا صلينا عشرين يوم
وكفايه ياعم ده الله تواب
وربنا يكتبنا مع الاحباب
اما الانتخابات اللي قولت تمام
كانت قرع وكوسه وباميه كمان
كان تزوير علي المكشوف
حاجه تخلي الاعمي يشوف
وجزة اللجنه عينك ماتشوف
نايف كان لونه مخطوف
شايف الاستاذ سمير عمال بيفوز
وهو يادوب معاه كام جوز
قام يتنطط ودق شرار
قال والله اولع نار
ساعتها في ثانيه حصل تغيير
صناديق داخله وصناديق خارجه
متشوفش سليمه ولا دي عارجه
وجائت اللحظه اللي استنيناها
ودقت والله قلوبنا معاها
ولقينا نتيجة التزوير
حاجه تخلي العقل يطير
نايف ايه متحزم يرقص
متقولش يا خويا بقي وزير
ويقولك ايه انا الكسبان
كسبان ايه يابن الانسان
فوز الظلم والطغيان
بقي ليه طعم هو كمان
سيبكم من السيرة دي اصلها تغم
وتعالوا لحاجه تانيه اهم
قولتلكم الشباب كله شغال
انا اسف ليكم دي واسعه شويه
وهقولكم الخيبه المدريه
شبابنا كله علي القهاوي
للضياع بقي غاوي
كره الحياه واللي فيها
وبقي عايش ومقضيها
في شرب سيجارة ولا جيوان
ويريح نفسه بالتوهان
ولا الدش والمسخره
جاب شبابنا كله لوره
وسيبكم برضوا من السيره دي كمان
اصلي هدوخ منكم وانام
اما النادي اللي قولت عليه
حتة نادي ياعيني عليه
لو واحد باعه ميجيش بجنيه
وكل سنه يحصل مشاكل
علشان دوري عليه نتشاكل
وحتة كاس معمول بصفيح
لازم ناخدة ده امر صريح
كل سنه بنفوز بيه
وتاني سنه بنوديه
وناخده تاني السنه الجايه
اهي لعبه ماشية ومعديه
ولا النجيله في الاجناب
ونص الملعب فاضي هباب
بس صراحه عندنا اضائه
من النحيادي احنا برائه
صحيح مش شغاله علي طول
لكن يلا ادينا بنقول
شغاله يوم وعشرة مفيش
بس يارب تفضل وتعيش
وفية كافيتريا اخر تمام
فيها البانجو علي المليان
وشرب سجاير ونصب كمان
اهو كله مواهب في النادي بتبان
اما يا عيني علي المحمول
ماتقولش لعبه بقي معمول
يقولك هاي خليها رنات
ونزل ليك احسن لوجوهات
وعاكس ورن علي دول ودول
يمكن رنه تيجي في الجول
رنات شغاله طول اليوم
تعمل لينا سرطان وهموم
ده غير الشرب ولا المجاري
حاجه توقف الدم الجاري
تخليك تعبان طول اليوم
وتجبلك كومه ومش هتقوم
وبعد شوية ننادي ونقول
يلا تعالي ادفنو مرحوم
ادي بلدنا وصفتها تمام
بكل ما فيها حتي الانسان
وتعيشي يا مصر بخير وامان
فكركم بعد ده كله عيوب
ينفع تاني لينا نتوب
ردوا بسرعه وقالوا لالالالالا
قولت ليه رديتوا ب لالالا
لا والله لسه كتير
نقدر نعمل بيه تغيير
وكفايه اننا دينا الاسلام
لو طبقناه الحق يبان
والشمس ترجع طول اليوم
بعد الظلمه مكانها يكون
وبلاسلام نمحي الفساد
يكمن ترجع لينا بغداد
ولا البسنه وفلسطين
ياما قصرنا في حقهم سنين
وقبل ده كله ندعو الله
لنصرة دينه يستعملنا
قبل ما يوم يستبدلنا
ونعاهد ربنا عهد بحق
في وش الظالم هنقولا لا
ايوة لا ومليون لا
ده الاسلام هو الحق
الاسلام هو الحق
الاسلام هو الحق.


واتمني ان اكون قد وفقة فيها بان اصف حال بلدنا جيدا
وجزاكم الله خير.
اخوكم
شاعر الاسسسسسسسسلام